Qo'llanma
Restoran uchun QR menyu qanday qilinadi: 5 qadam
QR menyu qilishning ikki yo'li bor. Birinchisi — PDF'ga havola, yarim soatda tayyor. Ikkinchisi — mehmon telefonidan buyurtma beradigan haqiqiy QR. Bu maqolada ikkalasini ham qadam-baqadam ko'rsatamiz va qaysi biri sizga to'g'ri kelishini aytamiz.
01PDF havola yoki buyurtma beradigan QR menyu?
PDF varianti oddiy: menyuni Canva'da chizasiz, Google Drive'ga yuklaysiz, havolani QR'ga aylantirasiz. Xarajat nol. Kamchiligi ham aniq: narx o'zgarsa PDF'ni qayta yuklaysiz, tugagan taomni o'chira olmaysiz, mehmon baribir ofitsiantni chaqiradi.
Buyurtma beradigan QR boshqacha ishlaydi. Mehmon skaner qiladi, menyu ochiladi, savatga qo'shadi, buyurtma kassaga tushadi. Stop-list jonli: osh tugadi — menyudan yo'qoladi. Ofitsiant chaqirish, hisob so'rash, fikr qoldirish ham shu sahifada.
Qachon PDF yetadi? 4 stolli qahvaxona, menyu yilda bir marta o'zgaradi, ofitsiant hamma stolni ko'rib turadi. Qachon yetmaydi? 12 stoldan oshsa, tashqi zal bo'lsa yoki menyu haftada o'zgarsa.
021-qadam: restoran tuzilmasini kiriting — brend, filial, zal, stol
laCafe admin panelida (admin.lacafe.app) tuzilma to'rt pog'onali: brend → filial → zal → stol. Bitta choyxonada ham shu tartib: brend «Chorsu osh», filial bitta, zallar ikkita — ichki va topchan, stollar 1 dan 14 gacha.
Stollarni zalga bo'lib kiritganingiz keyin ish beradi. Ofitsiant Dilshod faqat topchan zaliga biriktiriladi, Telegram'dagi chaqiruvlar ham zal bo'yicha yo'naltiriladi. Boshida 10 daqiqa sarflasangiz, keyin qayta qurmaysiz.
032-qadam: menyuni kiriting — qo'lda yoki AI bilan
Menyu kiritishning uch yo'li bor. Qo'lda: kategoriya, taom, narx, rasm. menuPro jadval tahrirlagichi: 80 taomni Excel kabi bir ekranda kiritasiz. AI orqali: qog'oz menyu rasmini ChatGPT yoki Claude'ga tashlaysiz, MCP orqali kategoriya va taomlar o'zi paydo bo'ladi.
iiko yoki r_keeper bo'lsa, menyu POS'dan sinxron bo'ladi — nom, narx, stop-list. Qo'lda ikkinchi marta kiritmaysiz.
- Har taomga 3 til (uz/ru/en) — Toshkentda ruscha menyu bo'lmasa, mehmonlarning yarmi kamroq buyurtma qiladi
- Modifikatorlar: «Osh» → qo'shimcha go'sht, qazi, bedana tuxumi (min/max)
- Rasm, GIF, galereya, video — shashlikning tutuni ko'rinsa, sotiladi
- KBJU (kkal, oqsil, yog', uglevod, gramm) — fitnes mehmonlar so'raydi
043-qadam: stol QR kodini yarating — slug bir marta beriladi
Admin panelning laQR sahifasida har stolga QR yaratasiz. Manzil shunday ko'rinadi: chorsu-osh.qr.lacafe.app/stol-7. Bu «stol-7» qismi slug deyiladi va u bir marta beriladi. Keyin stolni qayta nomlasangiz ham, zalini almashtirsangiz ham manzil o'zgarmaydi.
Nega bu muhim? Chunki QR chop etilgan. 14 stolga stiker yopishtirdingiz, uch oydan keyin tizim manzilni o'zgartirsa — hammasini qayta bosasiz. laCafe'da chop etilgan QR hech qachon buzilmaydi.
Narxi: stol uchun alohida to'lov yo'q — laQR Start paketida (600 000 so'm/oy, 1 filial, 500 buyurtma) bor, QR soni cheksiz. Buyurtma 500 dan oshsa, xizmat to'xtamaydi: har ortiqcha buyurtma 1 200 so'm yoki keyingi paket.
054-qadam: QR menyuni chop etish — stiker, stend, metall
Ichki zal uchun 6×6 sm laminatlangan stiker yetadi. Stol chetiga emas, o'rtasiga yopishtiring — mehmon skaner qilganda qo'li tovoqqa tegmasin. Tashqi topchan uchun stiker uch haftada ko'chadi. Metall plastina yoki akril stend oling.
Chop etishdan oldin sinov qiling: iPhone kamerasi, Android kamerasi, Telegram ichidagi skaner. Uchalasi ham ochishi kerak. QR atrofida kamida 5 mm oq joy qoldiring, aks holda eski telefonlar o'qimaydi.
- QR ostiga qisqa matn: «Skaner qiling — menyu va buyurtma»
- Stol raqamini QR yonida yozing — ofitsiant ham, mehmon ham ko'rsin
- Zaxira: har stolga bittadan ortiqcha stiker chop eting
065-qadam: buyurtma oqimini sinab ko'ring — kassa, oshxona, ofitsiant
Birinchi kuni o'zingiz mehmon bo'ling. 7-stoldan bitta choy buyurtma qiling. Buyurtma laBoard kassa planshetida yoki iiko'da ko'rinishi kerak. Oshxona holati o'zgarsin: yuborilgan → pishirilmoqda → tayyor → berildi.
Keyin «Ofitsiant chaqirish» tugmasini bosing. Dilshodning laWaiter telefoniga push kelsin, Telegram guruhiga xabar tushsin. Hisob so'rang, naqd deb yoping. Shu 10 daqiqalik sinov keyin haftalab bosh og'rig'ini oldini oladi.
To'lovni ham ulang: Payme, Click, UzQR yoki WLCM. WLCM bitta QR ortida Payme, Click, Paylov, Uzum va kartani qabul qiladi. Rekvizitlar filial bo'yicha kiritiladi.